Plantun de Prouvènço

Pèr coumpara dos planto d'encò nostre

Pinus sylvestris & Ranunculus trichophyllus subsp. eradicatus

Pin-gavot

Pinus sylvestris

Pinaceae

Àutri noum : Pignastre, Pin-coumun, Pin-sóuvage, Pichot-pin, Pignet.

Noms en français : Pin sylvestre, Pin de Riga.

Descripcioun :
Lou pin-gavot trachis dins li relarg montagnous tre 400 m. Se recounèis à sa rusco roujo e à sis aguio courto e un pau verdalo. Es un aubre souvènt torso.

Usanço :
"Las caissos de mouort (caissos das paures) soun en pin vèrt" coume "lous bachasses", F. Graglia, Valdeblore (06) (in J.-L. Domenge, EbV, op.cit.). Servié peréu pèr faire li cadiero Ibid. Pamens, à la Baumo (04), L. Collomp afourtis : "Tant bèn ai vist de pin que avien belèu quienge mètro e qu'avien pas'na brancho ! avien tout embracha perqu'èro defendu de coupa un aubre vèrt [...] se coupavo rèn que lou bouosc sec ou bèn un aubre que secavo [...] " Ibid.

Port : Aubre
Taio : 3 à 30 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Pinus
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) enflourejado : 2,5 à 5 cm
Flourido : Printèms - Estiéu

Sòu : Ca (Si)
Autour basso e auto : 400 à 2200 m
Aparado : Noun
Mai à juliet

Liò : Pinedo - Pelouso - Roucas
Estànci : Subremediterran à Subaupen
Couroulougi : Éurasiatico
Ref. sc. : Pinus sylvestris L., 1753

Ranouncle(-derraba)

Ranunculus trichophyllus subsp. eradicatus

Ranunculaceae

Nom en français : Renoncule déracinée.

Descripcioun :
Aquéu ranouncle d'aigo trachis dins li lau d'auto mountagno. Fai qu'uno souleto meno de fueio, de multifido souto l'aigo, que fan pas mai de 4 cm. Li pecou soun long de 4 à 6 cm. Se destrìo de la subsp. trichophyllus que s'atrovo pu bas, que fai de racino à tóuti li nous de la planto (vèire li fotò), acò pòu pas engana.

Usanço :
Coume tóuti li ranouncle, es uno planto empouisounanto.